2025/06/24ko prentsa-oharra
INDUSTRIA-PREZIOEN INDIZEA. 2025EKO MAIATZA
Euskal AEko industria-prezioak % 2,8 jaitsi dira 2025eko maiatzean aurreko hilaren aldean
2024ko maiatzaren aldean, industria-prezioek % 2,0ko jaitsiera izan dute
Eustatek bildutako datuen arabera, Euskal AEko industria-prezioek % 2,8 egin dute behera 2025eko maiatzean, aurreko hilaren aldean. Maiatzeko urte arteko tasa (azken hamabi hilabeteetan industria-prezioek izandako aldakuntza laburbiltzen duena) % 2,0 jaitsi da.
Azterketa zehatzago batek agerian uzten du, 2025eko maiatzean, Ehungintza, jantzigintza, larrugintza eta oinetakogintza (% 15,5) eta Energia elektrikoa, gasa eta lurruna (% 14,3) sektoreek izan dituztela jaitsierarik handienak prezioetan, aurreko hilaren aldean. Aitzitik, prezioetan hiletik hilerako igoera handienak izan dituzten sektoreak Erauzketa-industriak (% 8,5) eta Farmazia-produktuen fabrikazioa (% 6,3) izan dira.
Euskal AEko industria-prezioen indizearen urte-arteko aldakuntza-tasa. (%)
Mai, 2024 Uzt, 2024 Ira, 2024 Aza, 2024 Urt, 2025 Mar, 2025 Mai, 2025 |
Urt, 2006 Urt, 2011 Urt, 2016 Urt, 2021 |
|
|
|
|
Helburu ekonomikoaren araberako ondasunen sailkapenari jarraituz, 2025eko apirilaren aldean, Energiaren prezioak % 5,4 jaitsi dira, Talde-ondasunenak % 4,5 eta Bitarteko ondasunenak, berriz, % 0,9. Kontsumo-ondasunen prezioak, % 2,1 jaitsi dira, Kontsumo iraunkorreko ondasunenak % 0,8 eta Kontsumo ez-iraunkorreko ondasunenak % 2,4 jaitsi direlako.
Urte artean, 2025eko maiatza 2024ko maiatzaren aldean, prezioen igoerarik handienak honako adar hauetan izan dira: Farmazia-produktuen fabrikazioa (% 8,1) eta Produktu informatiko, elektroniko eta optikoen fabrikazioa (% 8,0). Aitzitik, Ehungintza, jantzigintza, larrugintza eta oinetakogintza adarreko prezioek urte arteko % 15,2ko jaitsiera izan dute eta Koke-lantegiak eta petrolio-fintzea adarrekoek % 14,5ekoa.
Euskal AEko Industria prezioen indizea. Aldakuntza-tasak (p). Maiatza 2025
| | Indizea | Aldearen % |
| | | m / m-1 | m / m-12 |
| Indize orokorra | 109,0 | -2,8 | -2,0 |
| | | | |
| SEKTORE-BANAKETA | | | |
| Ateratze-industriak | 146,0 | 8,5 | 7,0 |
| Manufaktura-industria | 113,3 | -2,2 | -2,3 |
| Elikaduraren, edarien eta tabakoaren industria | 123,5 | -2,4 | -0,8 |
| Ehungintza, jantzigintza, larrugintza eta zapatagintza | 94,1 | -15,5 | -15,2 |
| Zurgintza, papera eta arte grafikoak | 117,5 | -3,6 | -5,0 |
| Kokeak eta petrolioa fintzen | 108,3 | -0,9 | -14,5 |
| Industria kimikoa | 124,4 | -2,7 | -0,8 |
| Botiken fabrikazioa | 116,9 | 6,3 | 8,1 |
| Kautxu eta plastikoa, beste produktu mineral ez-metalezkoak | 117,3 | 0,2 | 0,2 |
| Metalurgia eta produktu metalikoak | 108,8 | -4,0 | -2,4 |
| Informatikako, elektronikako eta optikako produktuen fabrikazioa | 118,7 | -5,5 | 8,0 |
| Material eta ekipo elektrikoen fabrikazioa | 118,5 | 0,7 | 4,8 |
| Beste inon sailkatu gabeko makineriaren eta ekipoen fabrikazioa | 112,3 | -3,2 | -0,2 |
| Garraiorako materialen fabrikazioa | 114,2 | 0,4 | 1,3 |
| Altzariak, beste manufaktura-ind., konponketa eta instalazioa | 115,3 | -2,2 | -0,9 |
| Energia elektrikoa, gasa eta lurruna | 60,2 | -14,3 | 4,2 |
| Ura | 130,8 | 0,6 | 4,1 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 119,7 | -2,1 | -0,8 |
| Kontsumoondasun iraunkorrak | 114,2 | -0,8 | 0,8 |
| Kontsumoondasun ez-iraunkorrak | 121,2 | -2,4 | -1,2 |
| Ekipo-ondasunak | 110,5 | -4,5 | -1,8 |
| Bitarteko ondasunak | 115,1 | -0,9 | 0,2 |
| Energia | 87,6 | -5,4 | -8,9 |
Oinarria 2021=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2025eko Ekainaren 24a
Iturria: Eustat. Industria Prezioen Indizea
Helburu ekonomikoaren araberako ondasun-talde handien prezioen urte arteko aldakuntza goranzkoa izan da Bitarteko ondasunetan. Bertan, % 0,2ko igoera eman da. 2024ko maiatzarekin alderatuta, prezioak % 1,8 jaitsi dira Ekipo-ondasunetan. Kontsumo-ondasunen prezioak, urte artean, % 0,8 jaitsi dira, Kontsumo iraunkorreko ondasunenak % 0,8 igo eta Kontsumo ez-iraunkorreko ondasunenak % 1,2 jaitsi direlako. Azkenik, Energiaren prezioek % 8,9ko urte arteko jaitsiera izan dute.
INFORMAZIO-OHARRA
Eustatek eskerrak eman dizkie parte hartu duten establezimendu guztiei egin duten esfortzuagatik. Haiei esker, hilabete honetako indizea laginaren % 89,34ko estaldurarekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62